یہودی سازش !!
دنیا کا اجماع ھے کہ سازش ھمیشہ کمزور کرتا ھے ، طاقتور کو سازش کرنے کی بھلا کیا ضرورت ھے ؟ اس لئے کہ سازش کامیابی کے لئے وقت مانگتی ھے جبکہ طاقت بے صبری ھوتی ھے وہ صبر کو اپنی توھین سمجھتی ھے ،، جب ھم بھی طاقتور ھوتے تھے تو ھمارا انداز وہ نہیں ھوتا تھا جو آج کل ڈرون پہ ھوتا ھے ،، رومیوں کے علاقے میں ایک ایسے گورنر نے جو کہ خلافت کو خراج دیتا تھا ، اس نے خراج نہ دینے کا فیصلہ کر لیا اور ایک قاصد کو خط دے کر بھیجا کہ خلافت کو اطلاع دے دی جائے ،، اس خط میں اس نے لکھا کہ ،، مسلمانوں کے خلیفہ کو اطلاع دی جاتی ھے کہ تم اور تمہارے آباء و اجداد نے ھمیں بہت لوٹ کھایا ھے ،، اب آئندہ سے کوئی خراج نہیں بھیجا جائے گا اور پچھلا خراج بھی واپس کیا جائے !
خلیفہ نے خط کو الٹا کیا اور جواب لکھا !
بسم اللہ الرحمٰن الرحیم ،،
من خلیفہ المسلین الی کلب روم ،، والجواب ستری ،لا تقرأ،،
مسلمانوں کے خلیفہ کی طرف سے رومی کتے کے نام ،،، جہاں تک جواب تعلق ھے تو وہ تم اپنی آنکھوں سے دیکھو گے پڑھو گے نہیں ،،
بس خط کا پہنچنا تھا کہ رومی گورنر کے اوسان خطا ھو گئے ،، معذرت کے خط کے ساتھ خراج دے کر اپنے نمائندوں کو بھیج دیا !!
حضرت سلیمان علیہ السلام کے ایک خط نے یمن فتح کر لیا ،،
طاقتور اس لہجے میں بات کرتا ھے ، کمزور سازشیں کرتا ھے ،
1- کیا ھماری مساجد یہود و نصاری نے الگ کرائی ھیں ؟
2- کتے اور گدھے کا گوشت یہودی سازش کا نتیجہ ھے ؟
3- سڑکوں پر مرے ھوئے کتوں و گدھوں کی چربی یہودی سازش کے تحت اسلام آباد میں پرائم منسٹر ھاؤس سے چند کلومیٹر دور نکال کر کراچی تک سپلائی کی جاتی ھے ؟
کہاں تک سنو گے کہاں تک سناؤں ،،
